BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Mobilizar-nos polo idioma. Mais galego, mais livre.

imagem Janeiro 2013

A juventude independentista organizada em BRIGA vai participar domingo que vem na manifestaçom convocada em Compostela pola plataforma "Queremos Galego" em defesa do uso e proteçom da nossa língua frente à assimilaçom que pratica o estado espanhol. Em concreto, e novamente, um bloco laranja em defesa da orientaçom internacional da nossa língua, frente ao dialetalismo e a dependência, será o lugar onde nos encontraremos para reivindicar a vigência do legado de Carvalho Calero, Castelao, Rosalia de Castro, Vicente Viqueira, Manuel Murguia, e outr@s muit@s: que galego e português devem achegar-se até confundir-se, pois é a separaçom e a alienaçom que nos condenam ao ostracismo espanholista onde o galego compete em desiguais condiçons e progressiva decadência.

BRIGA leva mais de 8 anos defendendo contra vento e maré que a juventude galega deve erguer orgulhosa a bandeira NH. Somos reintegracionistas convencid@s e orgulhos@s, e estamos cert@s da validez da nossa postura frente ao timoratismo taticista e a sobrevivência institucionalizada e subvencionada. A transimissom escolarizada dum corpo normativo legado da tradiçom gráfica espanhola, e a dependência nacional para decidir as nossas relaçons internacionais, levam fomentado demasiados anos umha conceiçom estreita e interessada dum idioma com um potencial silenciado.

Galiza é e deve ser naçom lusófona, e a sua juventude proa de certeza sobre o caminho normativo que necessitamos para recuperar dumha vez por todas a normalizaçom da nossa língua. Sem umha normativa internacional, herdeira do genuíno idioma nom espanholizado; sem relaçons de fraternidade e troca de identidade cultural com Portugal, Brasil, Angola...; sem conexiom com a lusofonia, enfim, dificilmente recuperaremos a identidade de ser sem depender de grafias estranhas ao nosso idioma e impostas polo projeto de dominaçom espanhol.

Nom necessitamos de Espanha para escrever a nossa língua. O galego, ou é galego-português, ou é galego-espanhol, nom há outra alternativa!, nom há outra forma de escrevê-lo! Nós, temo-lo claro!

BLOCO LARANJA, BLOCO REINTEGRACIONISTA: SAÍDA ÀS 12:00 ALAMEDA DE COMPOSTELA, ZONA DA ESTÁTUA DAS MARIAS.