Grupos de Base apoiam e participarám na Greve estudantil
Fevereiro 2013Os Grupo de base de BRIGA no sul da Galiza anunciamos o início dumha campanha contra a reforma do ensino, a LOMCE, anunciada polo ministro fascista Wert. Mais umha reforma dum dos direitos fundamentais do povo trabalhador galego que afeta de maneira clara e direta a juventude.
Umha reforma do ensino que volta a conceder poder de decisom à igreja católica, instaurando políticas favoráveis à matéria de religiom e, portanto, difundindo a ideologia reacionária e machista que carateriza esta instituiçom. Umha reforma sobmetida à lógica privatizadora da suba de taxas universitária e o Plano Bolonha já instaurados nas nossas universidades, quer dizer, um ensino ao serviço das empresas, ao lucro da burguesia e à expulsom das aulas das filhas e filhos dos trabalhadores e trabalhadoras. E umha reforma totalmente espanholista que pretende afastar a já insuficiente presença do galego nas aulas, relegando-a às matérias opcionais, marginalizando-a dentro da ofensiva contra a nossa língua que Espanha está a levar a cabo.
Perante esta situaçom, a juventude consciente e rebelde organizada em BRIGA começamos umha campanha que terá como lugar de expressom e de luita, mais umha vez, as ruas. Agitaçom e propaganda com um único destino: canha contra a LOMCE! Temos que conseguir frear esta reforma luitando nas ruas de forma permanente. O primeiro passo será a jornada de greve e mobilizaçom convocada polos sindicatos nacionais para 6 de fevereiro em diferentes cidades e vilas da Galiza.
BRIGA estará presente com voz própria, fazendo frente a Espanha, o Capital e o patriarcado que agora, mais do que nunca, quer apoderar-se do ensino galego.
CANHA CONTRA A LOMCE!
AVANTE A GREVE ESTUDANTIL!
ENSINO GALEGO, PÚBLICO E FEMINISTA!