Continua a campanha contra o processo repressivo
Especial STOP repressom!!
Agosto de 2005
Após a jornada de luita do 24 de Julho em que se denunciou a vaga repressiva contra a juventude galega, várias iniciativas se levarám ao cabo para denunciar a deriva fascistoide do Estado espanhol. Assim BRIGA está a pôr postos informativos nos diversos festivais que se organizam ao longo do país com o intuito de dar a conhecer o processo de ilegalizaçom que os lúgubres e esperpénticos homens do tricórnio estám a levar contra a nossa organizaçom e a falta de direitos e liberdades democráticas que os sectores mais conscientes da juventude da nossa naçom estám a sofrer polo simples facto de nom fecharem os olhos perante as injustiças e de agirem em conseqüência, por luitarem polas legítimas aspiraçons da juventude a ter umhas condiçons de vida dignas e por defenderem com coêrencia a nossa língua e cultura nacionais e os nossos direitos democráticos como povo.
Embora BRIGA seja consciente do salto qualitativo que supom este ataque por parte das forças repressivas espanholas, também somos conscientes das suas intrínsecas e congénitas limitaçons. A nossa inteligência e perseveráncia na luita e mais a solidariedade do nosso povo serám as nossas armas para vencer os seus desesperados e dementes golpes de cego, as suas infantis e nervosas loucuras.
Nos próximos meses relataremos as diferentes iniciativas que a nossa organizaçom tem planificado para que mais umha vez vença a razom frente ao fascismo.