1º maio: Contra a crise capitalista. Rebeliom juvenil
Abril 2013O 1º de maio como Dia do Internacionalismo Proletário é hoje mais atual do que nunca. Porque? Porque o povo trabalhador está aqui, na Galiza de hoje, pagando mais caro do que nunca a opressom de classe que nos obriga a vender a nossa força de trabalho em condiçons indignas, com cada vez menos direitos, e cada vez mais deveres.
Entretanto, grandes capitalistas do nosso país que até hoje foram sempre colocados como referentes para a juventude, catalogados como emprendedores, homes de pró e orgulho de país, como Sousa, Lendoiro, José Luis Mendes, Gaioso, etc. botam a correr com o rabo entre as pernas e os petos lotados de euros.
BRIGA
apela a juventude galega a nom acreditar nunca mais nestes fantoches
da ideologia burguesa. Igual que hoje caem como autênticos ladrons
alguns dos mais louvados líderes da economia doméstica, amanhá o
farám se assim convém Amáncio Ortega, Tino Fernades, Pablo Isla,
Bahíllo, Mallón, etc. Todos eles som ladrons de profissom.
Apropriam-se do que produzimos e, para mais, eludem a própria
legislaçom burguesa graças a paradisos fiscais, dinheiro B, caixas
ocultas, e milhares de artimanhas que só podem utilizar quem
controla desde o topo a economia dum país.
E @s jovens,
entretanto,presenciamos
com um pé fora do país e um pé vacilante
dentro, esta situaçom. Marchando arrastando os pés ou correndo. Mas
marchando pola
força em números
astronómicos. Deixando
a Galiza numha
delicadíssima situaçom que compromete o seu futuro a meio
praço.
Quase 50% de desemprego juvenil (sem contar as
milhares que já marchárom), desapariçom dos contratos indefinidos,
escassa filiaçom sindical e autoorganizaçom política, dependência
familiar, criminalizaçom sistemática e fame, muita fame de mudar as
cousas.
É por isso que BRIGA insiste na necessidade de que @s
jovens trabalhadores/as nos
auto-organizemos para defender os nossos direitos, conquistados após
décadas e décadas de luita obreira e aniquilados em cousa de poucos
anos por umha burguesia feroz que precisa manter a sua hegemonia
custe o que custe.
É por isso que as jovens organizadas em BRIGA chamamos hoje à necessária luita organizada contra a ofensiva capitalista, à necessária REBELIOM JUVENIL!
ERGAMOS A BANDEIRA DO COMBATE JUVENIL!
ORGANIZAR-SE PARA LUITAR, LUITAR PARA VENCER!