25 julho: Manifestaçom independentista da Unidade Popular

BRIGA manifesta que 25 de julho, dentro de menos dumha semana, estaremos participando na mobilizaçom independentista convocada por NÓS-UP a partir das 12,30h e com saída da Alameda de Compostela.

A juventude revolucionária militante de BRIGA quer parabenizar a organizaçom política NÓS-Unidade Popular polo mantenimento polo terceiro ano consecutivo dumha mobilizaçom radicalmente independentista, em que a proclama dumha República Socialista e Feminista Galega terám presença protagónica.

As e os jovens de BRIGA confiamos em que a acumulaçom de forças à volta da Unidade Popular permita assegurar um futuro de combate digno frente às políticas assimilacionistas espanholas, que nom só negam a nossa identidade nacional, mas se amparam nesta negativa para desestruturar o sustento básico do Povo Trabalhador da nossa Pátria.

A condena das geraçons mais novas a um futuro de miséria e/ou exílio é o rosto que finalmente tem colocado o capitalismo a este invento chamado Espanha que se manifesta incapaz de servir outros interesses que nom sejam os das classes dirigentes ladroas esondidas atrás da bandeira rojigualda.