Corunha multiplica resposta contra as touradas
Agosto 2013Centos de counheses e corunhesas mobilizárom-se antonte na mais populosa marcha antitaurina da cidade herculina. As classes populares corunhesas som cada vez mais conscientes de que os centos de milhares de euros esbanjados polo governo local nos últimos anos de fracassadas feiras taurinas na cidade nom só nom compensam, mas representam um investimento que apenas se justifica na obstinada promoçom de valores espanholistas, cruentos e machistas que nom tenhem acolhida, afortunadamente, no nosso País.
Ao igual que aconteceu em Ponte Vedra, onde a feira taurina tem porém mais assentamento polo apoio de setores reacionários turistas e outros assentes na cidade, o movimento de resposta contra as touradas começa a colher forças na Corunha mobilizando o duplo de manifestantes que o ano passado e quatro vezes mais que nas primeiras citas. Atinge-se assim umha importante resposta nas ruas que o governo municipal e a imprensa sistémica e espanholista ingnorárom ou deixárom em segundo plano. Se bem nom pudérom ocultar imagens patéticas de toureiros com "traxes de luzes" vitoreados por umha ridícula cifra de espetadores/as num dos recintos municipais mais grandes.
A militáncia de BRIGA apoiou a marcha com a nossa presença por trás do cortejo independentista aberto por umha faixa de NÓS-UP em que se podia ler "Galiza livre de touradas". Reclamamos a ilegalizaçom deste tipo de eventos dentro do território nacional e a perseguiçom das empresas promotoras e puclicitantes como criminosas.
Este ano estimam-se em 93.000 os euros com que a populaçom corunhesa vai premiar a celebraçom desta classe de eventos graças ao seu estúpido governo municipal. Negreira e as corporaçons anteriores levam anos premiando estas celebraçons, e deverám portanto responder pola miséria que se espalha na nossa cidade, enquanto eles som cúmplices dela, ativamente, por ter dado aos nossos quartos um destino insultante no canto de recuperar cidade, construir país, e salvar da marginalizaçom milhares de convizinh@s que, como mancheias de jovens, vagabundeiam pola Corunha sem expetativas dum futuro digno na nossa Terra.
STOP TOURADAS!
STOP ESPANHOLISMO!