Contra a "festa nacional", também em Ponte Vedra
Agosto 2013Sábado decorre na cidade de Ponte Vedra a decana das marchas antitaurinas do país. Contra a também decana das escassas "corridas" taurinas que apesar do despreço da juventude trabalhadora deste país continua vigente como clara imposiçom pseudocultural da Espanha cavernária.
Ao igual que aconteceu domingo na Corunha, a manifestaçom de Ponte Vedra deve ir a mais. Colher fôlegos e mostrar um massivo e puxante rechaço com clara participaçom juvenil. A demonstraçom de oposiçom à celebraçom destes eventos de maltrato animal é umha mostra de dignidade popular. A dignidade, esse algo tam etéreo e manido, que no entanto se materializa perfeitamente ao perguntarmo-nos porquê devemos manifestar-nos contra as touradas:
- Porque nom queremos que Espanha imponha os seus cultos sanguinários na nossa Terra
- Porque deploramos o entretenimento humano baseado na tortura animal
- Porque nom admitimos a exposiçom de simbologia fascista como sinal de identidade política de nengumha festa
- Porque nom toleramos que nos expoliem mais dinheiros em prol da diversiom dumha elite parasita
- Porque as nossas cidades e vilas nom se devem converter em verao por graça divina num teatro para turistas, mas expor com orgulho a sua autenticidade
E tantos "porques" som a forma que toma a dignidade d@s jovens galeg@s. Assim é que somos partícipes deste país que quer libertar-se de cadeias, também festivas, e ser. Ser, sem depender. Nom queremos nem necessitamos as suas nojentas festas!
Exigimos ao Concelho de Ponte Vedra que elimine para já a concessom de espaços públicos para eventos espanholistas e sanguinários, e declare a cidade livre de touradas. Do contrário, a cumplicidade continuará a alargar-se no tempo e a credibilidade da corporaçom nacionalista ficará sumida num pántano de covardia ou passotismo inadmissíveis.
E chamamos toda a juventude da comarca ponte-vedresa a tomar parte da marcha convocada pola "Touradas fora de Ponte Vedra"às 20 horas na Praça da Peregrina.
AS TOURADAS NOM SOM FESTAS NEM SOM NOSSAS!
STOP TORTURA ANIMAL!