Apoio internacionalista à juventude rebelde castelhana no #28S

Várias organizaçons juvenis da esquerda independentista mostramos apoio internacionalista ao povo castelhano no seu dia de luita contra a monarquia o vindouro 28 de setembro, e em especial à juventude rebelde organizada em Yesca.

A seguir, disponibilizamos o comunicado assinado por BRIGA junto a outras entidades juvenis dos povos oprimidos polo Estado:

Espanha racha! Espanha, esse engendro genocida e assassino de povos, essa mentira repetida mil vezes por reis, nobres e aristocratas, por burgueses cobiçosos, por militares e clérigos para manter a salvo os seus interesses de classe, perpetuar o medo e continuar submetendo os povos e as suas trabalhadoras, chegou ao seu fim. Com o pretexto da unidade indivisível da pátria negou-se sistematicamente qualquer indício de identidade popular e impujo-se o modelo da Espanha umha grande e livre. Esta Espanha que durante séculos foi mudando de maos, de áustrias a borbons, de conservadores a liberais, de republicanos a fascistas, de populares a “”socialistas”” mas que na prática supujo a continuaçom dum centralismo nacionalista espanhol racista e dumhas políticas liberais em contra da classe obreira; demonstrou-nos que um projeto nacional espanhol está enfrentado com umha mudança de sistema social e económico mais justo pola mesma ideia e fundamentos do conceito de Espanha.

Porém, muitos insistem em apostar ainda hoje por umha Espanha unida e progressista. Apelando a umha suposta melhora social em comparaçom com a ditadura e a um processo de transiçom que garantiu a democracia e a liberdade no Estado espanhol. Nós, as jovens dizemos que isso é mentira! Nós nom acreditamos na sua falsa transiçom, os seus pactos mal chamados democráticos e os seus consensos vigiados de perto polo exército e os camisas azuis e maquilhados pola esquerda pactista e vendida que mais umha vez atraiçoou a classe trabalhadora. Temos claro que a transiçom foi mais umha mentira na longa listagem e que já vai sendo hora de rachar com esta paz social conseguida a base de dominaçom, mentiras, repressom e medo, e de lograr a liberdade dos nossos povos e das suas trabalhadoras. Esta crise nom só é económica. O capitalismo ficou obsoleto mas também caducárom as instituiçons que o administram e aplicam nos nosso países. O rei e a sua família de parasitas que garantem a unidade do Estado e a continuidade do regime, os políticos corrutos vendidos ao melhor postor, os banqueiras e empresários que tam só pensam em engordar a sua riqueza e negociam as traiçons às trabalhadoras com os sindicatos amarelos. O sistemo voltou a falhar, agora é o turno dos povos para construir a alternativa ao poder. Um poder que sirva para construir um mundo novo, socialmente mais justo e donde nom existam nem a exploraçom nem discriminaçom de negum tipo. Um poder do povo para o povo.

E nisto estamos todas juntas. É o mesmo Estado o que oprime os nosso povos e será a uniom das nossas forças a que destituirá o poder corrupto e opressor. Devemos esticar cada um cara o seu lado e arrancar a estaca para depois construir cada povo, desde a sua realidade e segundo as suas necessidades. O processo destituinte será comum, mas os de construçom do poder popular farám-se desde cada povo polas suas classes trabalhadoras.

Por isso desde as juventudes revolucionárias queremos enviar todo o nosso apoio ao povo castelhano -especialmente às companheiras de YESCA- na mobilizaçom do 28 de setembro de #Jaquealrey como materializaçom da luita pola destituiçom do poder estabelecido e o avanço decidido face a autodeterminaçom de todos os povos e a emancipaçom da classe trabalhadora.

Todas juntas até derrubar o sistema e construir em cada povo o poder popular!

Assinam: PURNA (Aragóm), ARRAN (Països Cataláns), ERNAI (Euskal Herria), BRIGA (Galiza), ADIANTE (Galiza), DARRÉU (Asturies), ISCA! (Galiza), JALEO!!! (Andalucía)