AGIR coloca esquerda independentista na luita estudantil

Outubro 2013

A organizaçom estudantil do Movimento de Libertaçom Nacional Galego, AGIR, acabou de pôr na rua umha ambiciosa campanha nacional que pretende promover a autoorganizaçom entre o estudantado mobilizado a respeito das políticas elitistas, privatizadoras e espanholistas dos governos espanhol e autonómico. A campanha leva por palavra-de-ordem "Há que combatê-los. Hoje mais que nunca, é tempo de agir!"

Esta autoorganizaçom inspira-se nos princípios estratégicos do feminismo, o independentismo e o socialismo que desde há mais dumha década estám na base do projeto da organizaçom estudantil.

Ao longo das próximas semanas, AGIR pretende deste jeito chegar a milhares de jovens que começam um ano lectivo marcado pola resposta popular a Wert e a Jesús Vasques, ministro e conselheiro de educaçom respetivamente. Ambos som os rostos visíveis de toda umha ofensiva que se tem postulado abertamente como espanholizadora, e dum sistema ruinoso que ameaça os estreitos logros sociais nas garantias públicas mais básicas, como a educaçom.

BRIGA estará aí para apoiar @s noss@s companheir@s na sua luita por colocar a voz da esquerda independentista na demanda dumha outra escola numha Galiza ceive, lilás e vermelha.