Contra a repressom da juventude basca: solidariedade!
Outubro 2013
A juventude abertzale transita por um enêssimo processo de perseguiçom jurídica que se salda com o postulamento mediático de 40 jovens como presunt@s terroristas por terem pertencido à organizaçom juvenil SEGI.
Esta organizaçom fora ilegalizada no seu dia pola Audiência Nacional Espanhola ao considerá-la parte da organizaçom armada basca ETA, declarando-a terrorista e ameaçando toda forma de intervençom política da juventude basca da esquerda independentista.
A dia de hoje, após um ponto de inflexom na realidade política de Euskal Herria, o Estado espanhol parece ter mui claro que o pau continua a ser a sua ferramenta de cego neste quarto obscuro, do que nom dá saído, que é o labirinto basco. Incapaz de encontrar umha outra alternativa ao seu fracasso secular de assimilaçom do povo basco, o projeto espanhol mantém o sofrimento d@s patriotas como sinistra compensaçom.
E a juventude volve ser, mais umha vez, objetivo repressivo de primeira ordem. Pois se algo temem mais do que a atual autoorganizaçom nacional basca, é umha autoorganizaçom ainda melhor. Que deve e pode ser obra de quem estivérom recentemente nas distintas organizaçons juvenis da esquerda patriótica basca, e de quem o está hoje.
Desde Galiza para Euskal Herria, e para @s jovens em processo de julgamento em Madrid, vaia toda a nossa solidariedade e carinho internacionalistas. Nom vos calarám!
ABSOLVIÇOM JUVENTUDE ABERTZALE!