Concentraçom-caçolada contra o Governo Municipal de Compostela
Outubro 2013
Como já temos informado há uns dias, 14 entidades sociais, políticas e sindicais iniciamos umha campanha para exigir a imediata dissoluçom da corporaçom municipal, a demisom do alcaide Currás e a convocatória de novas eleiçons. Após umha primeira concentraçom na passada sexta-feira 25 de outubro, a próxima cita teremo-la amanhá, quinta-feira 31 às 17h na Praça do Obradoiro, coincidindo com o pleno municipal do Concelho.
As e os jovens trabalhadores de Compostela nom podemos permitir que continuem no governo esta pandilha de corruptos e ladrons enquanto nos animam a emigrar por falta de emprego na cidade. Por isso e por muitas outras razons, BRIGA fai um apelo ao conjunto da juventude obreira compostelana a participar fazendo muito ruído nesta concentraçom e deixando bem claro que os únicos que tenhem que marchar som os delinquentes do governo municipal do PP.
JOVENS NA MISÉRIA, CORRUPTOS NO PODER!