Participamos da VI homenagem a Manuel Gonçalves "Fresco"
Janeiro 2014
BRIGA participará amanhá dia 5 de janeiro na tradicional oferta floral que polo sexto ano realizará a organizaçom política NÓS-Unidade Popular ao Manuel Gonçalves, conhecido polo seu apelido "Fresco". O ato começará com umha marcha desde a fonte da Rua de Abaixo às 11h e rematará no Monte Galheiro, onde intervirá um militante da nossa organizaçom.
A esquerda independentista pretende deste jeito manter na memória coletiva um dos nomes mais populares da comarca do Condado pola sua luita antifascista. Um vizinho exemplar que entregou a sua vida ao combate de armas na mao contra o movimento nacionalcatólico dos militares alçados em 1936. Esse mesmo ano, em dezembro, o "Fresco" era assassinado polos antepassados diretos da atual extrema direita política espanhola.
Nom é pois irrelevante a reivindicaçom de quem há quase 70 anos deixárom semente de vencer na nossa terra. Som o melhor exemplo dumha batalha perdida polo movimento popular que tantas dêcadas de miséria e dominaçom nos estám, ainda, a custar.
Na seguinte ligaçom podedes aceder à informaçom sobre o ato elaborada pola organizaçom convocante, a quem agradecemos a possibilidade de participar com voz própria: