A polícia impom umha sançom a um jovem por tratar de introduzir umha faixa em Riazor
Campanha 29-M, que se vaiam!
Setembro de 2005
Como já informaramos nesta web, o 22 de Maio dous jovens fôrom identificados e retidos durante 30 min na entrada do estádio corunhês de Riazor por levarem umha faixa gigante com a legenda 29-M QUE SE VAIAM! A um dos jovens impediu-se-lhe a entrada, maliá ser sócio do Deportivo. No momento de requisar-lhe-a os polícias prometêrom devolvê-la após o partido. Umha vez finalizado este, negárom-se a fazê-lo. Um dos jovens acussou aos agentes de nom terem palavra, ao que os polícias lá presentes respostárom com "A única palavra que aqui vale é a nossa" (sic).
Denunciavamos na altura a prepotente actuaçom da polícia como agente já nom só repressivo, mas censurador, efectivizando de novo a profunda falta de liberdades reais da que adoece o estado espanhol.
Nom contentos com ejercer a censura ao mais puro estilo franquista, a semana passada o companheiro ao que sim se lhe permitiu a entrada ao estádio chegou-lhe por correio umha multa administrativa por valor de 150 € pola hipotética falta de ter entrado no recinto sem o bilhete. O delirante da actuaçom policial roça já o esperpento, quando fôrom os mesmos que denunciam a este jovem os que no seu dia permitírom a sua entrada sem ponher nengumha objecçom.
Mais umha vez observamos o preço que há que pagar neste estado chamado democrático por nom concordar com o discurso oficial, e por combater ao espanholismo militar e golpista desde irrenunciáveis posiçons independentistas e de esquerdas.