Siareir@s Galeg@s reclama selecçom oficial e nacional

Novembro de 2005

Após o anúncio da criaçom da selecçom galega de futebol, com todos os matizes que nos últimos meses vimos denunciando desde BRIGA, e o iminente primeiro partido que se disputará em Sam Láçaro no próximo mês, dezenas de jovens optárom pola autoorganizaçom em diversas vilas e cidades do país com o objectivo de re-vitalizar o movimento em torno à reclamaçom das selecçons galegas que já desde há umha década abandeira na Galiza o colectivo Siareir@s Galeg@s.

A confluência de todas as assembleias locais que se fórom criando ao longo destas semanas cristalizou numha reuniom nacional o passado 22 de Outubro em Compostela no que se acordarom diversas actividades e mobilizaçons além da coordinaçom dos diferentes colectivos locais de Siareir@s.

Entre as reclamaçons mais destacadas está a declaraçom da selecçom de futebol, que até agora é de carácter autonómico, como selecçom nacional contando com a franja leste do país, a inclussom do nome da Galiza na camisola oficial assim como a denúncia do asepticismo da mesma e a reclamaçom dumha selecçom nacional para todos os desportos assim como que estas sejam selecçons oficiais.

De BRIGA encorajamos a luita deste colectivo e a que todas @s jovens se sumem a Siareir@s Galeg@s na suas respectivas comarcas para denunciar a covardia da Junta da Galiza e reclamar com mais força que nunca Umha naçom, umha selecçom!!

Mais novas relacionadas
BNG renúncia a incluir o nome do país na camisola oficial da selecçom
Selecçons galegas JÁ! Adiante Siareiros Galegos