BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Primeira conferência em Compostela das Jornadas da Galiza resistente

imagem

Especial Recuperando a memória da Galiza resistente.
Referentes para a rebeliom juvenil

Novembro de 2005

A segunda-feira 7 de Novembro celebrou-se no Centro Social da Gentalha do Pichel em Compostela a conferência que inagurava as jornadas "Recuperando a memória da Galiza resistente. Referentes para a rebeliom juvenil", que BRIGA organiza e durante todo o mês de Novembro em diferentes cidades e vilas do país.

Esta primeira conferência estivo adicada ao histórico militante comunista e nacionalista Luís Souto e foi impartida por Luís Gonçalves Blasco "Foz". Durante a hora que durou a expossiçom e o posterior colóquio com o público, "Foz" debulhou a figura do Souto apoiando-se na labor de investigaçom e nas suas próprias vivências pessoais, já que ambos coincidirom em diferentes organizaçons na década de 60 e 70.

Luís Souto, que era professor de profissom, foi militante do PCE e já nos inícios dos anos 30 formava parte junto com Benigno Alvares dessa corrente de opiniom que avogava pola criaçom dum Partido Comunista galego, possibilidade gorada pola repressom desatada na Galiza após o alzamento fascista e polo férreo controlo que desde Madrid se aplicava para abortar qualquer intento deste tipo. Após o alzamento tem que fugir a Portugal para depois passar a Valéncia.

Durante os anos que dura a guerra desenvolve várias responsabilidades entre as que destaca as viágens que realiza a URSS, aos Estados Unidos e a Cuba como secretário pessoal de Castelao, para alargar a solidariedade com a República. O fim da guerra colhe a Luís Souto numha destas viágens e decide ficar em México onde continua o seu labor militante.

Já na década de 60 de volta à Galiza participa na criaçom da UPG que na década de 70 abandona junto com outr@s camaradas para criar a UPG(lp).

As jornadas "Recuperando a memória da Galiza resistente. Referentes para a rebeliom juvenil" continuam esta semana em Compostela. A terça-feira 8 de Novembro celebra-se a mesa-redonda "Amnésia ou ocultaçom" na que intervirám Eliseo Fernandes, Carlos Morais e Carlos Velasco, e a quarta-feira dia 9 com a projecçom do documentário "Morte no Val".