Siareir@s Galeg@s prepara um mês cheio de iniciativas

Dezembro de 2005

Siareir@s Galeg@s prepara um mês de Dezembro cheio de actividades pola selecçom nacional e oficial em várias vilas e cidades galegas. Assim ficou claro na apresentaçom nacional do colectivo o passado 3 de Dezembro numha conferência de imprensa na Galeria de Sargadelos de Compostela.

Segundo informa www.siareirasgalegas.org na sua web nacional, na apresentaçom intervinhérom representantes de cinco das Assembleias Comarcais que debulharom ao longo dumha hora a história do colectivo, assim como os seus objectivos e próximas actividades de cara ao primeiro partido da Galiza o próximo 29 de Dezembro.

Assim e ao longo de todo o mês sucederam-se as mesas-redondas, campionatos de matraquilhos e futebol e diversos concertos com o intuito de quecer o ambiente e promocionar a assistência ao histórico partido.

De entre todas as actividades destaca a convocatória dumha mobilizaçom nacional a própria quinta-feira 29 de Dezembro que percorrerá as ruas de Compostela apartir das 18h30 sob a legenda "Umha naçom, umha selecçom" para rematar no estádio de Sam Láçaro.

Conferência de imprensa em Compostela

Intervinhérom representantes das Assembleias Comarcais