Na rua o segundo número do XERFAS
Dezembro de 2005
Já está na rua o vozeiro nacional de BRIGA, o Xerfas. Como já se fixera no número precedente, o corpo central da publicaçom centra-se na análise dos problemas reais da juventude galega, sem esquecer-nos das cojunturas mundiais e doutras luitas juvenis que pulam por dar fim à escalada de agressons sem precedentes que os jovens, e em especial as jovens, nos vemos obrigad@s a suportar.
Assim, além dum relatório das muitas actividades que se realizárom nestes meses, analisa-se a necessidade dum movimento juvenil que tenha nos seus objectivos prioritários a reivindicaçom dumha selecçom nacional em todos os desportos, fai-se um repasso da situaçom repressiva juvenil e as duas operaçons da Guarda Civil contra a juventude da esquerda independentista, noticiam-se breves de interesse juvenil, etc...