Tem lugar seminário de formaçom na Corunha

Janeiro de 2006

Tal e como estava previsto, Sábado 21 de Janeiro realizou-se no Centro Social Atreu da Corunha o Seminário de Formaçom organizado por BRIGA e que foi dedicado à história da esquerda independentista, concretamente às etapas que vam desde a década de sessenta, com a fundaçom da UPG, até à actualidade.

O Seminário, que tivo um carácter interno, foi ministrado polo membro da Direcçom Nacional de NÓS-Unidade Popular e Secretário Geral de Primeira Linha Carlos Morais, que durante as mais de seis horas fijo um interessante percorrido pola história dos últimos qüarenta anos do nosso movimento. A exposiçom do ministrador foi apoiada num esquema editado por BRIGA e pola projecçom de documentos históricos do independentismo, tanto vídeos, como fotografias e reproduçom de manifestos, vozeiros ou diverso material editado nestas últimas decadas.

Este foi o primeiro dumha série de seminários organizados por BRIGA e dirigidos principalmente a jovens militantes da esquerda independentista com os que a organizaçom pretende contribuir à formaçom política e ideológica da geraçom mais nova do MLNG. Nos próximos meses terám lugar noutras localidades outros seminários sobre temáticas diversas, todos organizados com o intuito de dotar de ferramentas às e aos jovens com os que comprender o Galiza e o mundo que nos tocou viver.