AGIR desenvolve campanha contra a presença policial nos centros de secundária

Janeiro de 2006

No marco da intensa campanha de criminalizaçom e repressom despregada nos últimos meses polo Governo espanhol contra a juventude, umha das medidas estrela é o plano desenhado polo Ministério de Interior espanhol para rematar com um dos pontos neurálgicos de distribuiçom de drogas nom legais entre @s jovens a olhos dos responsáveis políticos, as escolas de secundária.

Assim desde o mês de Janeiro centos de polícias e guardas civis vigiam os intitutos galegos chamados conflitivos, esto é a quase totalidade da rede pública, convertendo as e os estudantes em suspeitosos e polo tanto em objecto das mais diversas vexaçons por parte dos cans vigiantes à porta dos centros, tais como registos, cacheios, pressons ou mesmo ameaças.

Ante esta gravíssima situaçom a organizaçom estudantil AGIR tem posto em andamento umha intensa campanha que pretende contestar o abafante despregamento de uniformados nas escolas galegas com a excussa de "efectuar hipotéticas tarefas preventivas sobre o início no consumo de drogas por parte da mocidade".

A própria campanha de AGIR, que se desenvolve sob a legenda "NOM à polícia nas escolas", topou com as conseqüências deste despregamento, em forma de contínuas retençons e identificaçons às e aos estudantes que se encarregam do reparto do material da campanha.