Polícia Local pede sançom para um jovem em Ponte Vedra por insultos

Fevereiro de 2006

No passado mês de Novembro, vários jovens fôrom retidos e identificados na rua Gorgulhom de Ponte Vedra pola realizaçom dum mural com a legenda "Direito à Rebeliom". Durante a identificaçom policial, os dous agentes conduzirom-se com exageradas medidas de precauçom, obrigando aos/às jovens a manter-se afastados da carrinha enquanto registavam os conteúdos de carteiras, bolsos e mochilas, fazendo aspaventos ao encontrar medicaçons, manipulando todo com luvas de plástico, avissando por rádio a umha nova carrinha que se apresentou pouco depois, etc.

Um mês após os factos, um dos jovens identificados recebeu umha denúncia realizada polos dous agentes responsáveis da retençom, na que se lhe acussava de alterar a segurança colectiva e originar desordens na via pública, por repetidos insultos às forças da ordem segundo a versom policial. O resto d@s jovens lá presentes contam umha versom bem diferente, na que fôrom os próprios polícias os que se dirigirom em tons pré-potentes e autoritários, na linha do que nos tem acostumado o corpo policial. Por elo pedem 150 € de multa.

Nom é a primeira vez que BRIGA denúncia o papel da Polícia Local como instituiçom repressiva, que se bem nom tem o protagonismo mediático doutras instituiçons armadas como a Polícia espanhola, a Guardia Civil ou o exército espanhol, cumple como se vê neste caso com o seu cometido, destruir qualquer conato de rebeldia nas comarcas galegas, recurrindo a mentiras descaradas e farsas policiais para criminalizar à juventude, seja em Vilagarcia polo botelhom ou em Ponte Vedra por pressuntas pintadas.