Condenam a militante de BRIGA a pagar mais de 1000 euros de multa

Especial STOP repressom!!

Fevereiro de 2006

Esta mesma semana conheceu-se a sentência de mais de 1000 euros imposta a um militante de BRIGA acusado polo Concelho de Compostela de realizar diversas pintadas na cidade o mês de Novembro de 2004, apenas umhas semanas após a celebraçom do Congresso Nacional Constituinte.

Apesar do esagerado da pena imposta o único que a advogada do Concelho logrou demostrar foi que o jovem fora detido o dia 6 de Novembro por ser reconhecido polos polícia como militante independentista. Do resto encarregarom-se as mentiras calculadas dos polícias, as pressons do Concelho e a predisposiçom dumha juiza que só se limitou a transcrever a denúncia do Concelho para impor umha multa que serva de escarmento à juventude organizada da cidade.

Pouco importou que a roupa que levava o jovem nom coincidira com a que levava a pessoa que segundo polícias à paisana realizara as pintadas ou que as mais dumha treintena de pintadas polas que foi julgado e condenado tiveram distintos tipos de letra e polo tanto foram obra de mais dumha pessoa.

A sentência, que concretamente ascende a 990 € mais as costas do julgamento, era a resoluçom esperada dum processo claramente político onde o que se julgava nom era o facto concreto das pintadas senom a pertença do jovem à esquerda independentista. A juiza do caso, os Polícias Locais e a fiscal só seguem o guiom do Concelho autoproclamado progresista, no que o PSOE e o BNG persiguem e punem com dureza todo colectivo que pretenda desenvolver na rua a sua actividade. Assim nos últimos anos forom desenhando umha cidade-museu no que as ruas som para @s turistas e a disidência está vetada.