BRIGA organiza I Foro de Rebeliom em Ponte Vedra

Fevereiro de 2006

O Grupo de Base de BRIGA em Ponte Vedra vem de anunciar nesta semana o seu I Foro de Rebeliom, nomem genérico baixo o qual a organizaçom desenvolverá diferentes charlas-colóquio e palestras ao longo deste curso político nesta localidade do sul da Galiza.

A primeira entrega terá lugar o Sábado 11 de Fevereiro no Centro Social A Revira sob o título A revolta juvenil na França. Análise dos distúrbios de Novembro, passa-se a analisar um dos episódios de dissidência juvenil mais importantes e de maior repercussom mediática dos últimos anos, a vaga de luitas protagonizadas pola juventude dos bairros populares parisinos a raiz da morte dos adolescentes Bouna e Zyed, enquanto eram assediados pola polícia francesa. A morte dos dous jovens fixo agromar as misserentas condiçons económicas e sociais nas que vive a maior parte da populaçom de jovens trabalhadores/as dos subúrbios de Paris, cristalizando numha impresionante resposta juvenil que maliá ao racismo e a xenofobia do governo francês, maliá as mentiras dos meios de comunicaçom europeios, segue a ser umha liçom de combatividade e reacçom contra a injustiça social do capitalismo europeio que condena à juventude a ser a nova mau de obra escrava do século XXI.

A palestra iniciara-se às 20h00 e será ministrada por André Seoane Antelo, activista social e militante de diversas organizaçons da esquerda independentista.