Em andamento a preparaçom da III Escola de Formaçom

Já dérom começo as primeiras reunions entre as organizaçons AGIR e BRIGA com a vista posta na realizaçom da Escola de Formaçom´06. Mais um ano, o programa formativo e de convívio que AGIR inaugurou em 2004 em Sargadelos e que tivo continuidade no ano 2005 em Salvaterra , nessa ediçom já com BRIGA.

Desde há umhas semanas, membros dumha e doutra entidade perfilam o que será a III Escola nacional da mocidade e o estudantado da esquerda independentista. Precisamente neste ano em que se cumprem 70 anos do alçamento do fascismo espanhol em 1936, os seminários do encontro juvenil dedicarám-se a analisar o período histórico que vai desde a proclamaçom da II República até a década de 50, e completarám-se com os já tradicionais obradoiros, roteiros para conhecer o entrono em que tem lugar a Escola e a parte lúdica, com umha repichoca e um concerto para as noites.

Em próximas datas continuaremos com as reunions planificadoras, de cujos resultados iremos dando conta oportunamente. Lembrade que se quigerdes participar na Escola de Formaçom '06, podedes fazê-lo pondo-vos em contacto com qualquer das organizaçons convocantes.