BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

BRIGA adere às mobilizaçons polo Dia da Mulher Trabalhadora

imagem

Março de 2006

BRIGA assistirá às concentraçons e manifestaçons convocadas pola Marcha Mundial de Mulheres que se celebarám o próprio 8 de Março em várias localidades assim como a manifestaçom nacional o sábado 11 de Março, que partirá às 18:00 da Alameda de Compostela.

Nesta data, o feminismo juvenil da esquerda independentista erguerá bem alto a bandeira lilás das jovens que nom se rendem ante o terrorismo machista, que combatem o sexismo e as expressons do sistema patriarcal que condena às jovens galegas a recaudar o triste recorde das taxas de paro mais altas de Europa, se os jovens galegos amosam um paro do 21%, o das jovens chega ao 28%.

A crua realidade das agressons, da cousificaçom mediática, das mulheres mortas a maos dos seus companheiros e pais, do maltrato psicológico e físico, som algumhas das reglas que o actual sistema impom às jovens e às mulheres de todo o mundo.

Contra este mundo no que a maioria da populaçom mundial é explorada por umha minoria, as mulheres sofrem com especial virulência a extracçom de ganho do capital, acrescentada pola dominaçom e submetimento obrigado aos homens.

Nesta data, BRIGA quer fazer sua as vagas de luita feminista do passado, para criar um futuro para a jovem galega em pé de igualdade com os homens, reivindicando a equiparaçom salarial e de direitos ,nom só laborais, assim como a criaçom dumha política real contra o terrorismo machista.