Activa intervençom juvenil no 10 de Março

Março de 2006

A sexta-feira 10 de Março, à volta das 19h00 congregavam-se na Avenida de Esteiro em Ferrol, frente ao local comarcal da CIG, vários centos de trabalhadoras/es que protagonizárom a manifestaçom que percorreu as ruas da cidade até o Cantom. Durante o percurso da manifestaçom, coreárom-se palavras de orde como "Convénios aqui, e nom em Madrid", "Sinistralidade laboral, terrorismo patronal", "Trabalho digno na nossa terra" ou "Futuro digno para a juventude".

BRIGA assistiu com faixa própria com a legenda "Paremos a impunidade patronal. A juventude trabalhadora por um futuro digno", participando activamente no decurso da manifestaçom na que se repartirom decenas de brochuras e auto-colantes.

Após a manifestaçom, arredor das 22h30 mais de 100 pessoas, a sua maioria jovens, acodérom ao concerto organizado por BRIGA na Fundaçom Artábria, com o galho do Dia da Classe Obreira Galega. As versons de Bitxo Bola e o punk do grupo de Narom Retobato animárom umha noite que rematou com sessons do Dilhei Castrolham.

Com este concerto BRIGA escreveu o ponto final a esta jornada de mobilizaçom e denúncia da catastrófica situaçom da juventude trabalhadora, reforçando assim o compromisso e vontade de luita dumha organizaçom que seguirá a trabalhar por criar um futuro digno para a juventude trabalhadora galega.