Movimento popular derrota CPE na França

Especial Mobilizaçons juvenís na França contra o CPE

Abril de 2006

Após mais de três meses de mobilizaçons o Governo francês vem de anunciar hoje mesmo a derrogaçom do contestado Contrato de Primeiro Emprego, que será substituido por um novo plano para facilitar às e aos jovens o acesso ao primeiro emprego.

Precisamente a derrogaçom da lei produce-se umha semana depois de que Chirac, anuncia-se a sua aprovaçom com a petiçom ao patronato de que nom fora aplicada. As declaraçons de Chirac e as suas promesas de que modificaria a lei apesar de aprová-la, foi qualificada como umha burla polas organizaçons estudantis e sindicatos e fôrom contestadas de novo na rua o 4 de Abril com umha das jornadas de luita mais concurridas desde que começárom as mobilizaçons.

A derrogaçom da lei, que pom ponto final à luita contra o CPE, supom umha rotunda vitória do movimento popular protagonizado pol@s jovens, principais pejudicad@s polas medidas previstas da reforma, após três meses de assembleias, mobilizaçons, greves e ocupaçons, no que mais umha vez ficou demonstrado que a luita é o caminho para defender e conquistar os nossos direitos.