Continua campanha Jovem e Rebelde

Maio de 2006

No marco da campanha nacional Jovem e Rebelde o Grupo de Base de BRIGA em Compostela pendurou numerosas faixas nas principais entradas e no centro da cidade com o intuito de denunciar e por de manifesto a ineludível necessidade de melhorar as condiçons de vida da juventude.

Palavras de orde como PAREMOS O TERRORISMO PATRONAL ou CONTRA A PRECARIEDADE LABORAL: ORGANIZA-TE, som as denuncias dumha triste realidade da nossa cidade, a flamante centro da cultura subvencionada, de cimentos dumha universidade em saldo e espanholizada e centro do poder autonómico delegado desde Madrid, onde as jovens e os jovens trabalhador@s contamos com umhas condiçons laborais de risa, com jornadas superiores às 10 horas diárias e um dia livre por semana, por soldos que som umha propina mais do que o mínimo interprofissional. Umha cidade onde a "normalidade" com que asumimos o incumprimento da legislaçom em materia de prevençom e da aplicaçom dos convénios, tem obvias consequências, e onde muit@s jovens optam fugir dumha vida em precário emigrando.

Também em Compostela colgarom estes dias palavras de orde como NOM À CRIMINALIZAÇOM DA JUVENTUDE ou SOMOS JOVENS, NOM DELINQUÊNTES que pom em alerta sobre vaga repressiva da que a juventude é objecto porque segundo eles o nosso tempo de lecer é um problema de saúde e segurança pública. Há que controlar policialmente os colegios, multar com 300€ quem leve umha pedrinha ou criminalizar qualquer actividade organizada por e para jovens, …deve ser que assim se arranja todo o anterior!