Mais um jovem galego morto no seu posto de trabalho

Junho de 2006

Na tarde de onte mais um acidente laboral deixa umha nova vítima do terrorismo patronal. Um jovem operário de 24 anos morreu no seu posto de trabalho mentres realizaba labores de tala para umha subcontrata de Telefónica, quando lhe caeu enriba umha pedra de uns 1500 kg de peso.

Ja nom fica lugar para as aberrantes declaraçons institucionais que de presa e correndo se fam nos dias posteriores a um sucesso desta magnitude e que desviam a atençom fazendo fincapé na pouca responsabilidade das trabalhadoras e trabalhadores, sem nomear para nada a verdadeira causa da sinistralidade laboral. Em nengum caso lhes convem denunciar a actuaçom da patronal que utilizam a juventude como carne de canhom para o seu enriquecimento, a escasa inversom em formaçom por parte das empresas que utilizam @s jovens como material de usar e deitar ou no nulo interese por que se apliquem as medidas de seguranza optando pola eficázia no trabalho para engrosar a sua economia.

A juventude galega nom podemos ficar na passividade ante a situaçom laboral que estamos a viver que inclusive nos leva à morte como vemos com demasiada freqüência.

Contamos com dados suficientes para nos conscienciar de que a luita é o único caminho que nos fica para defender os nossos direitos.

Siniestralidade laboral, terrorismo patronal!