BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Boicotado posto do Exército espanhol em Ponte Vedra

imagem

Especial Nom mais julgamentos a antimilitaristas

Junho de 2006

A terça-feira 6 de Junho cara às 13:00 tivo lugar um acto contra as forças armadas espanholas na Alameda de Ponte Vedra.

No transcurso do mesmo, umha dúzia de jovens desplegárom umha faixa com a legenda Exército espanhol fora da Galiza.Durante a concentraçom coreárom-se diferentes consignas contra a instituiçom armada, como Exército espanhol fora da Galiza, Exército espanhol assassino; Exército profissional, fracasso escolar, etc... Ao remate do mesmo, um painel publicitário e um posto de publicidade militar foi coberto de pintura cor-de-rosa. Os membros da polícia militar lá presente figêrom gala do seu despotismo mais castizo, golpeando com porras aos/às jovens concentrad@s, desgarrando a faixa e tentando afogar em empurrons e chularia a denúncia juvenil.

A cidade de Ponte Vedra acolhe mais um ano vergonhentas demonstraçons da força do poder militar, já seja da BRILAT ou a raiz de visitas de altos mandos do exército, que o concelho do Fernández Lores nom tem embaraço em saudar e permitir.

Com um ano recém cumprido desde a manifestaçom contra o desfile das FA na Corunha a 28 de Maio de 2005, a juventude da esquerda independentista dá continuidade à intensa campanha que desenvolveu naquele entom, lembrando o que realmente é o exército espanhol.

BRIGA nom acredita no intento de apresentar os militares espanhóis como umha ONG, a través de milionárias campanhas de publicidade que tentam agochar as décadas de terrorismo que protagonizárom desde o golpe fascista de 1936. Mas nom só entom: A dia de hoje, o exército espanhol tem colaborado e colabora no expólio e ocupaçom de lugares tam diversos como Haití, Afeganistam ou Iraque, estando anunciado o próximo envio de tropas à República Democrática do Congo. Os militares espanhóis continuam a ter presença a dia de hoje na maioria destes destinos para garantirem o saque energético, a submissom da populaçom ocupada e o actual sistema de ditadura global, já seja como lacaios do imperialismo norte-americano ou em pretendidas "missons de paz" (armadas) da UE.

O gasto dos orçamentos anuais do estado espanhol vam-se para sumidoiros como a campanha "Aventura Escolar", um programa dos ministérios de meio ambiente e defesa espanhóis para adoutrinar crianças de sexto de primária nos meles da guerra e do assassinato, disfarçadas de trabalhos de fontanaria e arquitectura civil (sempre com a ametralhadora ao ombro).

BRIGA continuará no futuro a denunciar sem trégua a presença das forças militares espanholas na Galiza, assim como a luitar contra a cultura da violência contra os povos e as mulheres que defendem.