Mais impunidade. Novo acidente laboral em Lugo

Junho de 2006

Um jovem trabalhador de Lugo está ingressado com fracturas graves em ambos os pés após ter caído dum andaime na rua Comunicaçom, enquanto realizava trabalhos de soldadura.

Por enquanto nom temos mais informaçom sobre a empresa responsável, mas nom deixa de ser umha nova vítima da precariedade juvenil na estrada do progresso espanhol e europeu, construída com centos de jovens mort@s anualmente como cimento.

Porém, BRIGA nom esquece que se a situaçom laboral da juventude deixa umha crónica de trabalhadores/as mort@s todos os meses, o número de jovens que ficam tolheitos, eivados para trabalhar o resto da sua vida, ou sofrem acidentes como este som dúzias, centos ao cabo do ano. Hoje mesmo os meios promulgavam o "conselho" que o todopoderoso FMI lhe dava ao governo espanhol: abaratar ainda mais o despedimento, é dizer, fomentar ainda mais a precariedade e a impunidade empresarial, favorecer que acidentes laborais perfeitamente evitáveis, mortais e nom mortais, continuem a encher com rios de tinta os jornais.

De BRIGA expressamos a nossa solidariedade com esta nova vítima da flexibilizaçom laboral, um eufemismo que nom serve para agachar a realidade.