Governo compostelano do PSOE-BNG num novo julgamento a jovens independentistas
Especial STOP repressom!!
Junho de 2006
A coligaçom PSOE-BNG que governa no Concelho de Compostela pom de novo em marcha a maquinaria repressiva para a celebraçom dum julgamento político a jovens independentistas, que como costumam, rematará numha nova sançom económica, a última de 1000 €, e a condena a vários dias de arresto domiciliário.
Desta volta o governo "de progresso" processa a quatro jovens militantes acusados de realizar propaganda política na cidade para denunciar a última detençom no marco da operaçom "Cacharrón", praticada pola Guardia Civil o 9 de Junho do ano passado contra BRIGA.
Mas que o Concelho de Compostela é inimigo declarado da liberdade de expressom e da auto-organizaçom popular nom é nengumha novidade nem cousa que demostre a celebraçom dum novo julgamento político contra quatro jovens. O governo municipal do PSOE-BNG dérom nos últimos anos dúzias de mostras que governam de costas aos movimentos sociais e numha cruzada constante contra todo o que cheire a independentista. Os inumeráveis julgamentos, a perseguiçom policial e criminalizaçom da esquerda independentista, os contínuos empecilhos administrativos para a organizaçom de festas alternativas som umha boa mostra do que para Bugalho e Nestor Rego significa "o progresso".