Novo sucesso da auto-organizaçom juvenil no IV Festival Fervesteiro
Julho de 2006
Os dias 30 de Junho e 1 de Julho decorreu em Ferrol umha nova ediçom do Festival que o colectivo Fervesteiro organiza cada ano nestas datas. Sob a máxima de criar um espaço "multidisciplinar autogestionado nom lucrativo", o colectivo Fervesteiro vem de sumar um novo sucesso a umha andaina que se iniciou no ano 2003 e que já tem um oco nesse calendário que as organizaçons que practicamos a desobediência imos tecendo na Galiza.
Como cada ano o Festival Fervesteiro combinou na sua programaçom a música excluida dos circuitos comerciais, como sempre dando preferência às bandas da comarca, com a reflexom, o debate e a organizaçom dum roteiro para resgatar a memória histórica do bairro de Esteiro, centro neurálgico e inspiraçom das actividades do Fervesteiro.
O Grupo de Base de BRIGA em Trasancos participou, junto com outras organizaçons da comarca, nesta quarta ediçom do Festival e realizou um mural na explanada na explanada que o Fervesteiro adica a livre expressom de colectivos e pessoas.