BRIGA convoca II Jornada de Rebeliom Juvenil

Julho de 2006

O segundo curso político da organizaçom toca ao seu fim, e encaramos o broche final da actividade desta jeira com os actos do 24 de Julho, véspera do Dia da Pátria, que este ano terám lugar no Parque de Belvis, na capital da Galiza e que este ano desenvolveram-se sob a legenda "Avançamos combatendo. O futuro é d@s jovens".

Como nom podia ser doutro jeito, nesta jornada na que se interliga o lúdico com o reivindicativo, BRIGA nom renunciou a elevar de novo a bandeira do socialismo juvenil independentista, organizando diferentes actividades que misturem o lazer e a consciência dum jeito dialéctico.

Assim, em primeiro lugar, BRIGA quer saudar a iniciativa de Siareir@s Galeg@s que convoca um passaruas sob a legenda “Galiza, mais do que um jogo”, à que BRIGA adere sem nengumha dúvida. O sucesso dos primeiros passos desta organizaçom deixárom neste curso político que morre momentos inesquecíveis, por muito que os avanços sejam ainda muito tímidos e as possibilidades de atingir um desporto galego, popular e selecçons oficiais próprias sejam um impossível sem o desenvolvimento parelho de tecido autodeterminista e independentista entre @s jovens. O passaruas sairá da Praça do Pam às 19h00.

A seguir, no Parque de Belvís às 21h00 com umha ceia popular e às 22h00 um acto político no que intervirá um/umha membro da Mesa Nacional de BRIGA que fará um balanço da actividade deste curso sainte, e um repasso das expectativas de futuro dos seguintes.

Já pola noite, iniciarám-se os concertos, que abrirám com o grupo de rock galego Kastomä, continuado polo OI! catalám de Opció K95. A terceira das formaçons que poderemos escuitar vém de Vigo, e já é umha assídua dos concertos organizados por BRIGA, estamos a falar de Ofensiva e o seu hard-core galego. O prato forte da noite encherá cada esquina do parque com a sua inconfundível fussom de estilos que fam da Banda Bassotti um grupo obrigado para qualquer afeiçoad@ à música revolucionária.

Encorajamos a toda a juventude trabalhadora, revolucionária, contestatária, rebelde, inconformista e anti-sistémica deste País a assistir aos actos, mobilizaçons e concertos do 24 de Julho, por ser esta umha cita inexcusável para a juventude trabalhadora galega.