BRIGA ante catástrofe nacional provocada pola vaga de lume
Especial Se arde Galiza. Lume contra os responsáveis
Agosto de 2006
Umha parte importante do Galiza leva dias baixo umha nuve de fumo denso e escuro, da que caem continuamente restos de cinças e de matéria vegetal calcinada originadas nos devastadores lumes que levam semanas activos.
Os incêndios que estám a barrer a faixa sulocidental da Galiza atingírom já o difícil recorde de mais de 127 na jornada da terça, dos quais 67 estám actualmente fora de controlo. Mais do 35% dos efectivos de extinçom do Estado espanhol estám na Galiza, mas o lume nom se controla e continua o seu avanço sem acussar debilitamento algum.
Ainda que seja umha notícia que se repite todos os veraos, este ano os incêndios revestem umha clara intencionalidade que concentrou os focos à roda das grandes cidades e os núcleos mais povoados, além do eixo de comunicaçom mais importante do país, a A-9. Este claro intento de provocar o caos e o medo cobrou-se já três vidas, além de várias pessoas hospitalizadas, junto a mais de 25.000 hectáreas de monte e bosque queimados.
As declaraçons institucionais oferecidas até a data moveriam à gargalhada se a situaçom nom fora tam crítica. A hipocrisia de Tourinho, que afirma com a realidade em contra que todo está sob controlo (?!) só é igualada em esperpento polas recentes intervençons do senador polo BNG Francisco Jorquera, quem advertiu ao PP que nom podia criticar a actuaçom da Junta ao estar esta a seguir ao pê da letra a política florestal desenhada polos populares nos seus 16 anos de queimas indiscriminadas do monte galego.
As grandes actuaçons que o bipartito de Sam Caetano tem preparadas som espectaculares. Mobilizaçom de 1.200 efectivos das Forças Armadas para ocupar o monte, oficialmente para disuadir aos incendiários de continuar na sua “actitude delictiva”. Outra perla para a história da gestiom socialdemócrata galega, que aproveita a contingência como excussa para tirar imagens de uniformes nas cámaras de televissom e nos jornais. E é que estes militares nom vam fazer mais que possar, já que estes efectivos, ao igual que os da Guardia Civil e a polícia vam a ocupar o monte, nom a jogar-se a vida perante o lume. Isso fica para @s vizinh@s, que estám sendo a verdadeira barreira contra os incêndios em muitas comarcas. Para a Junta, todo vale para dar-lhe publicidade ao exército e justificar o gasto anual em Defesa, vagas e material para as forças de ocupaçom. Por enquanto, segue a amosar-se incapaz de afrontar com garantias de sucesso a crise aberta este verao.
Maliá nom podermo-lo saber com certidom, nom é necessária umha grande capacidade de discernimento para decatar-nos da relaçom existente entre os territórios afectados e os interesses urbanísticos de promotoras inmobiliárias e construtoras que levam anos tentando reproduzir o colapso urbanístico costeiro dos Països Cataláns no litoral galego. Para estes interesses, a queima e posterior requalificaçom de terrenos do rústico ao urbanizável é o objectivo a curto-praço que só precisa da colaboraçom das elites municipais corruptas que impulsionarám os posteriores planos urbanísticos, que incumprem as normativas vigentes das leis de montes e do solo.
Porém, nom podemos cair no reduzionismo barato, sabemos que as causas dos incêndios som múltiplas e variadas: Interesses das empresas madeireiras, inércias criadas por décadas de desestruturaçom do espaço agrário, progressivo êxodo de habitantes do meio rural face a Galiza urbana, falta dumha política florestal baseada na prevençom, abandono à sua sorte do sector primário, etc...
Enfrontamo-nos a umha destruiçom calculada e interessada, umha agressom ao meio ambiente que tem pontos de encontro com a catástrofe ecológica do Prestige, provocada polos interesses do capitalismo e a gestiom criminosa do governo espanhol. A similitude mais evidente mais umha vez é a nefasta linha de actuaçons do governo, só que neste caso virárom as tornas: Os que berravam “incompetência” e esigiam responsabilidades som agora os responsáveis, os que vendiam o governo da mudança reconhecem seguir com escrupulosidade as linhas mestras do governo do PP.
A ondas de lume seguem a abrassar miles de hectáreas, e o governo galego, recém abandonadas as suas férias, nom tem nem a capacidade de extinguir, nem a vontade de prevêr.