BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Siareir@s Galeg@s organiza I Encontro nacional

imagem

Setembro de 2006

Siareir@s Galeg@s vem de anunciar a organizaçom do seu I Encontro nacional que decorrerá o próximo Sábado 9 de Setembro em Ponte Vedra. O colectivo, que mantém umha intensa actividade desde a sua re-constituiçom fai agora quase um ano, fai um alto no acompanhamento pontoal das estreias das selecçons galegas para organizar umha jornada no que combinar a reflexom, o convívio e a festa.

A jornada dará comezo às 11h30 cum campionato de futebol 7 no Campo da Junqueira entre equipas conformadas por membros das respectivas Assembleias Comarcais de Siareir@s Galeg@s e a seguir um jantar popular.

Após o jantar, às 19h00, darám comezo as mesas redondas que decorrerám no Palácio da Cultura de Ponte Vedra. Na primeira mesa-redonda, intitulada “A cultura das bancadas: passado, presente e futuro dos grupos de siareir@s na Galiza”, reflexionara-se sobre o papel destes colectivos no tecido associativo e participarám membros de várias claques galegas. A segunda mesa-redonda, programada para às 20h00 também no Palácio de Congessos, leva por título “O importáncia do desporto de base e as selecçons galegas”.

Já pola noite, apartir das 22h30, um concerto de entrada gratuita na Alameda encerrará este I Encontro de Siareir@s Galeg@s, que de seguro servirá para encher de folgos às sócias e sócios deste colectivo que aos poucos está a construir um importante espaço de referência no seio do tecido associativo juvenil galego.

De BRIGA apoiamos e animamos à juventude comprometida com os direitos nacionais da Galiza a assistir a esta nova convocatória de Siareir@s Galeg@s.