BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Leis repressivas e controlo policial, eis a política do Concelho de Compostela para a juventude

imagem

Especial Ser jovem nom é delito

Outubro de 2006

O Concelho de Compostela, governado polo autoproclamado "governo de progresso" de PSOE e BNG, vem de dar umha amostra mais do seu nulo respeito polas liberdades, endurecendo mais se calhar o regime repressivo a que a capital da Galiza se vê submetido desde há anos.

E é que o o governo municipal, após ter sido um dos mais entusiástico aderentes da campanha de intoxicaçom e criminalizaçom contra @s jovens iniciada há meses nos meios de (des)informaçom, é um dos primeiros concelhos galegos em aprovar umha ordenança que tem como único objectivo proibir o botelhom, endurecendo as penas contra a sua prática e declarando umha espécie de estado policial nas ruas e praças da cidade.

A Ordenança de Resíduos e Limpeza Viária, que é o desafortunado nome do plano para a repressom da prática do botelhom, foi aprovado polo governo municipal a finais do mês passado e após um período de dous meses entrará em vigor. Porém o Concelho de Compostela nom quer perder o tempo em trámites burocráticos e responsáveis do governo já anunciarom, mesmo antes da sua aprovaçom no Pleno, que se porá em prática com o início do ano académico.

E assim foi. O primeiro fim de semana do mês de Outubro dezenas de polícias de choque espanhóis armados de material antidistúrbio ocupavam a Zona Velha intimidando os e as jovens que por lá passavam com identificaçons e registoss arbitrários. Este estado policial, completado polos numerosas dotaçons de polícias locais e polícias à paisana infiltrados entre @s jovens som a melhor mostra do espírito da nova Ordenança.

PSOE e BNG, topárom no "problema" do botelhom um filom a explorar de cara às eleiçons municipais de Maio do vindouro ano. Igual que acontecera há quatro anos, quando o Partido Popular tirara da manga o "problema" do botelhom coincidindo com as anteriores comícios municipais, os partidos "da mudança" desempoam velhas tácticas que tenhem um único objectivo, ganhar votos aparentando dar soluçons aos problemas da cidade.

De BRIGA vimos denunciando de forma sistemática a campanha de intoxicaçom e criminalizaçom contra @s jovens que os meios de comunicaçom do sistema tenhem iniciado ao calor da rebeliom dos subúrbios de França. Longe de ser casual esta campanha tem um objectivo dobro: de umha banda converter todo o relacionado com @s jovens num problema de ordem público para assim endurecer e aperfeiçoar o controlo policial a que estamos submetid@s; pola outra criar umha oportuna cortina de fumo que oculte os problemas reais que nos afectam e que nom tenhem nengumha intençom de solucionar.

Para o PSOE-BNG-PP a precária situaçom do ensino público, as alarmantes cifras de fracasso escolar no sistema educativo, o aumento dos sinistros nos centros de trabalho, as taxas de precariedade e temporalidade que sofremos, os enormes impedimentos para aceder a umha vivenda digna ou a ausência de alternativas ao lazer alienante, simplesmente nom existem.

Para o tandem partidos-meios de comunicaçom do sistema unicamente existem o tráfico de drogas nos centros de ensino, a violência nas aulas, @s jovens preguiçosos e pouco emprendedores, o botelhom ou o vandalismo juvenil. E para todos estes problemas a mesma soluçom: recorte de direitos, proibiçons, leis repressivas e coacçom policial. Eis o programa do PSOE-BNG-PP para @s jovens.

Ver também o especial: Ser jovem nom é delito