BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Crónica do concerto Jovens pola independencia da Corunha

imagem

Outubro de 2006

Por volta de 120 jovens assistírom ao concerto que BRIGA organizava no popular bairro de Monte Alto da cidade herculina sob a legenda Jovens pola independência. Este acto pretendia por umha banda continuar com os concertos que ao longo de vários anos já se vinham realizando na cidade da Corunha como resposta ao Dia da Raça, jornada em que as instituiçons espanholas festejam o esmagamento, genocício e conseguinte colonizaçom dos povos por parte de Espanha, e por outra banda seguirmos a denunciar a espanholizaçom dos nossos espaços de lazer.

Dous grupos da comarca fôrom os escolheitos para amenizarem a noite, Esterco e Os três trebons que estivêrom acompanhados mais umha vez polo Vendaval do Rosal. Os rapazes de Esterco, novo grupo de Carral, estreárom-se na Corunha e demonstrárom com dous vocalista, dous guitarras, um baixo e um baterista no cenário a força com a que irrompem e o bem que o figérom passar a tod@s @s que lá estivemos. Os trebons encerrárom a noite com a paixom com a que o fam os grupos quando tocam desde o seu bairro e nom se esquecêrom de tocar temas já clássicos dos Diplomáticos de Monte Alto ou dos Papaqueijos.

O público nom deixou de dançar em toda a noite e junto com berros em prol da selecçom nacional galega ou a independência da Galiza lembrou também encorajados polo conhecido locutor de rádio e vocalista dos Trebons, Jurjo Souto, a figura do afamado guerrilheiro galego Foucelhas, capturado pola Guarda Civil e assassinado por luitar pola liberdade.