Intensa actividade da Plataforma contra a criminalizaçom da juventude
Especial Ser jovem nom é delito
Novembro de 2006
A Plataforma contra a criminalizaçom da juventude está a desenvolver umha intensa actividade focada na oposiçom à Ordenança Municipal de Resíduos e Limpeza Viária aprovada polo governo local de PSOE e BNG a finais do passado mês de Setembro.
Desde a constituiçom da Plataforma é constante o trabalho agitativo nos botelhons com distribuiçons de centenares de colantes e panfletos entre @s jovens cada fim de semana denunciando o plano repressivo que agocha umha Ordenança adicada aparentemente a regular a recolhida de lijo e a limpeza na cidade.
Entrega das alegaçons à Ordenança
Além dos constantes repartos e coladas denunciando a Ordenança a Plataforma contra a criminalizaçom da juventude colocou mesas em distintos pontos da cidade para recolher apoios às alegaçons à norma municipal. As alegaçons forom apresentadas onte mesmo, a quarta-feira 29 de Novembro, no Registro Municipal por membros da Plataforma num acto no que também se desplegou umha faixa.
A Plataforma anunciou que com o acto de entrega de alegaçons "da por rematada a primeira parte da campanha contra a Ordenança do botelhom, mas no caso de que o Concelho de Compostela nom atenda as demandas da mocidade compostelana continuaremos a nossa oposiçom à Ordenança".
Recordemos que a Plataforma contra a criminalizaçom da juventude nasceu no mês de Outubro em Compostela, a iniciativa de AGIR, BRIGA, Galiza Nova e XA (Xuntanza Antoprohibicionista) para artelhar a oposiçom à Ordenança do botelhom, ainda que com a intençom de alargar a sua actividade à denúncia do contínuo recorte d@s direitos d@s jovens na cidade de Compostela.