Mobilizaçom da compostelana Plataforma contra a criminalizaçom da juventude

Especial Ser jovem nom é delito

Dezembro de 2006

No marco da campanha contra a Ordenança de Resíduos e Limpeza Viária, a passada quinta-feira 14 de Dezembro decorreu a mobilizaçom convocada pola Plataforma contra a criminalizaçom da juventude sob a leganda “ManiFESTA-te pola tua liberdade. Compostela para dançar, organizar-se, divertir-se, berrar, beber,...”.

Arredor das 23h00, umha hora depois do início do acto de protesto, a Polícia Local dirigiu-se às e aos jovens concentrad@s para obrigá-los a abandonar a zona que ocupavam e ir até a zona central da Alameda. Foi neste momento quando partiu a mobilizaçom que reuniu a mais dum centenar de moç@s e que percorreu as ruas da Zona Velha da cidade, nas que o Concelho já aplica de facto a Ordenança e que cada fim de semana é ocupada por dezenas de polícias.

A mobilizaçom, que abria umha faixa com a palavra de ordem Nom a Ordenança contra o botelhom, chegou até a Praça da Quintana onde perto de douscent@s jovens continuarom com a festa.

O Concelho responde a mobilizaçom com intimidaçom policial

Umha vez rematado o acto foi quando os reponsáveis do Concelho visibilizarom o dispositivo policial, conformado por dúzias de polícias de choque, que se ocuparom de que @s jovens abandonaram a Zona Velha, um espaço vetado para a mocidade, no que cada fim de semana os direitos ficam em suspenso, no que é um adianto do que nos espera umha vez aprovada à Ordenança Municipal.

Burda manipulaçom mediática da convocatória

Os grandes méios de comunicaçom som parte destacada da campanha de intoxicaçom contra a juventude que está a provocar um grave recurte dos nossos direitos e polo tanto era evidente o tratamento mediático que receberia a Plataforma e as actividades contra a Ordenança de Resíduos e Limpeza Viária.

Mas a manipulaçom mediática tecida arredor deste acto superou com creces ao que nos tenhem acostumados estes méios ao serviço do sistema. Assim La Voz de Galicia recolhia umha crónica da mobilizaçom do dia 14 de Dezembro com o revelador titular “Defendiendo o botelhom a palos”, e subtitula “Cuatro arrestos en la noche de movida en Santiago”, sobretodo se temos em conta a total ausência de altercados durante o protesto.

O pseudo-jornalista que assina a crónica, um tal Angel Paniagua, fai responsável a Plataforma nom só da indecência de reclamar o nosso direito à utilizaçom dos espaços públicos senom que a vincula com todos e cada um do acontecido na cidade na noite da quinta-feira, desde umha suposta agressom a umha Polícia Local até a sustracçom da decoraçom navidenha.

Novas relacionadas,
- Constituiu-se em Compostela Plataforma contra a criminalizaçom da juventude ..+
- Intensa actividade da Plataforma contra a criminalizaçom da juventude ..+
- Compostela para dançar, organizar-se, divertir-se, berrar, beber, ..+