Democracia espanhola considera auto-organizaçom da juventude basca como terrorismo

Especial GAZTERIA AURRERA!!

Janeiro de 2007

Hoje mesmo o Tribunal Supremo dava a conhecer a sentência contra 24 militantes das organizaçons juvenís bascas Jarrai, Haika e Segi. O Tribunal vem de declarar às entidades juvenís “organizaçons terroristas” e condenar a 23 dos 24 moç@s julgad@s a seis anos de prisom.

Este falho do Tribunal Supremo é o último episódio dumha farsa jurídica que se iniciou há algo mais dum par de anos na Audiência Nacional espanhola e que tinha como objectivo castigar a auto-organizaçom da juventude basca e punir o seu insuvornável compromisso com a independência e o socialismo para Euskal Herria. Aquel julgamento-farsa rematou com umha vitória parcial para @s jovens, que lograrom esquivar umha petiçom fiscal de 647 anos e unicamente forom condenados a três anos e meio de prisom por associaçom ilícita, polo que forom postos em liberdade após quatro anos de prisom provisional.

Agora o Tribunal Supremo aumenta a pena da Audiência Nacional num falho que supom burla aos mais básicos direitos e um gravíssimo ataque à auto-organizaçom juvenil e popular em Euskal Herria e no resto do Estado.

Mais umha vez, o Estado espanhol vai além do emprego sistemático da violência dos seus corpos policiais, e ensaia a repressom jurídica contra a mocidade, domonstrando mais umha vez que nom existem diferências de fundo entre o governo de ZP e os anteriores mandatos do Partido Popular.

BRIGA, organizaçom juvenil da esquerda independentista, quer expressar a sua solidariedade com @s companheir@s condenad@s por esta mal chamada democracia sumando-nos à juventude basca para afirmar que nengumha medida repressiva freará a nossa luita.