Novo jovem vítima do terrorismo patronal pom em evidência Acordo Social

Fevereiro de 2007

A terrível morte de um jovem de Bogonte ocorrida a quarta-feira mentras realizava travalhos de soldadura na empresa Granova Cereales SL, pom em evidência os discursos triunfalistas da Junta, da patronal e dos sindicatos vendidos na apresentaçom do novo Pacto polo Emprego.

Este novo Pacto, apresentado em sociedade o passado 5 de Fevereiro, nom passa de umha grande operaçom de marqueting eleitoralista da Junta do bipartito que nom introduce absolutamente nengumha medida real dirigida a frear o imparável processo de precarizaçom do mercado laboral galego, que conta com os mais altos índices do Estado em sinisestralidade, desemprego e temporalidade.

Mas o espectaculo cenificado pola Junta de Galiza, o representante da patronal António Fontenla e os sindicatos esponhóis e vendeobreir@s UGT e CCOO, umha perfeita cópia do acto de apresentaçom do anterior Acordo Social promovido polo daquela Presidente Manuel Fraga, nom conseguiu ocultar a verdadeira realidade a que juventude trabalhadora nos enfrentamos dia-trás-dia. A morte de Ivám, de tam só 21, e os dados oficiais que assinalam que as taxas de desemprego da juventude galega é quatro pontos maior que a média estatal ou a taxa de precariedade duplica a do Estado espanhol, som boa prova desta realidade.

A juventude galega nom podemos ficar na passividade ante a situaçom laboral que estamos a viver e de BRIGA esigimos medidas reais para rematar com a impunidade patronal e com os sanguentos dados da siniestralidade laboral entre @s jovens. Contamos com dados suficientes para nos conscienciar de que a luita é o único caminho que nos fica para defender os nossos direitos.