BRIGA, organiza�om juvenil da esquerda independentista

Loja Virtual
Arquivo Gr�fico
correio-e:
Compartilhar
Actualizada em
14/01/14
novas

Brutalidade policial contra as reivindicaçons laborais. Readmissom d@s despedid@s já!

imagem

Março de 2007

Durante a manhá de onte dia 15 de Março, efectivos antidistúrbios da polícia espanhola carregárom com grande violência contra a concentraçom que @s trabalhadores/as da teleoperadora Atento, filial de Telefónica, organizárom na cêntrica rua Juan Flórez da Corunha, cujo tránsito foi curtado. A protesta operária devia-se ao despido improcedente de 179 empregad@s, que a empresa realizou directamente saltando-se todos os acordos do convénio.

Como saldo da actuaçom das "forças da ordem", multidom de contussionad@s e operári@s espancad@s após a sua queda no chao, além da visita ao hospital de trabalhadores/as agredid@s por estes cans de pressa. Enquanto nos médios do sistema encobre-se a brutalidade gratuíta da polícia baixo o eufemismo "excesso de cío", a CIG já esigiu a demissom inmediata da subdelegada do governo espanhol na Corunha, Obdúlia Taboadela, enquanto NÓS-UP tem amossado todo o seu apoio à luita operária e assinalou à Cámara Municipal e à Deputaçom como cúmplices deste facto, que nom foi issolado (a noite do dia 13 tivêrom lugar mais agressons policiais, esta vez para impedir o acampamento reivindicativo de funcionári@s públicos no Obelisco).

O ocorrido é um claro exemplo de qual é a verdadeira funçom dos corpos repressivos, que repremem com violência qualquer reacçom operária contra os mandatos patronáis, defendendo o bem-estar (duns poucos) como os fieis lacaios do Capital que som.

Processos como os de Atento estám à ordem do dia, respondem à lógica capitalista internacional, e se desenvolvem tanto a nível estatal como europeio e global. Esgrimindo os sagrados dogmas da deslocaçom e a competitividade se produzem despedimentos massivos para trasladar as empresas a áreas do planeta onde a exploraçom seja maior, e polo tanto os custos menores. Ao mesmo tempo, acrescenta-se a precarizaçom laboral, bem afortalada polos pactos e regalias que governos autonómicos, estatais e europeios estám a brindar à patronal.

De BRIGA queremos expremer todo o nosso apoio às luitas operárias d@s trabalhadores/as de Atento, e fazemos um chamado à juventude trabalhadora que principalmente está a sofrer esta desregularizaçom laboral e o terrorismo patronal para que se organice em resposta a agressons como esta.

Novas relacionadas,
- Jovens em luita contra a deslocalizaçom no telemárketing ..+