Protesto diante do prédio do COF em Compostela
Março de 2005
Várias jovens militantes de BRIGA concentrárom-se ante o Centro de Saúde de Fontinhas, Compostela, em protesto polo desleixo na atençom por parte das trabalhadoras do Centro de Orientaçom Familiar (COF) situado neste prédio. A concentraçom rematou com a realizaçom dumha pintada na fachada do Centro exigindo umha atençom digna no COF.
Som varios os protestos que se venhem dando. O descontente geral das moças que acodem a este seviço vem-se denunciando nos últimos anos sem que se note umha melhoria na atençom que recebemos.A atitude hostil ao prestar o serviço, as longas esperas a que te ves obrigada quiçás como castigo a ter cometido um pecado sexual, ou os comentários de que nom se passa nada ainda que fiques grávida, ou que há umha percentagem muito pequena de possibilidades de gravidez como justificaçom para nom receitar a pílula, som algumhas das situaçons às que se enfrontam as moças que algumha vez acodem a este centro.
A inaptidom d@s trabalhadoras dos COF, unido à falta de educaçom sexual e as dificuldades para conseguir métodos anticoncepcionais gratuitos impedem que @s jovens, mas sobretudo as jovens, podamos desfrutar com plenitude da nossa sexualidade, sem que esta seja o eterno tabu do que todo mundo sabe mas ninguém quer falar.
Mais umha vez BRIGA toma a iniciativa da denúncia. Nom imos ficar caladas ante as agressons do sitema patriarcal das que as trabalhadoras do COF de Compostela som partícipes. De BRIGA exigimos:
- umha atençom digna neste serviço.
- reparto gratuito dos métodos anticoncepcionais que se solicitarem.
- informaçom sexual plena @s jovens que o solicitarem.
- cursos gratuitos de educaçom sexual.
- receita gratuita da pílula do dia depois.