1º de Maio. Contra as agresson da patronal, organiza-te e luita

Abril de 2007

A juventude trabalhadora tem motivos suficientes para sair à rua este 1º de Maio.

É que nós a juventude trabalhadora, somos a principal vítima das permanentes agressons da patronal contra a classe operária. Somos a carne de canhom de um sistema que nos coloca à cabeça de todas as listas negras da exploraçom laboral. Enquanto que a patronal multiplica os seus benefícios multimilionários, a sinistralidade, a precariedade, os salários de miséria ou o desemprego cebam-se numha juventude que hoje mais do que nunca carece de expectativas reais de futuro.

Enquanto, PSOE e BNG continuam empenhados em aplicar as receitas de sempre maquilhadas como nunca. O bipartido na nova etapa aberta à frente da Junta da Galiza há agora dous anos, tem demonstrado a sua total falta de interese ou capacidade por enfrentar os males endémicos que a juventude sofre. Nem o fumo que dia-trás-dia vendem Tourinho e Varela nem as danças de Quintana e Superpinheiro, servem para resolver a insustentávell situaçom laboral da juventude galega herdada após mais de umha década de governo do Partido Popular.

Para @s jovens nom há futuro nos chamados da patronal à concordia, nem nas promessas e declaraçons grandilocuentes de PSOE, PP e BNG e do sindicalismo espanhol e reformista. A única garantia de melhora real das nossas condiçons de vida é a auto-organizaçom e a luita.

Numha jornada como o 1º de Maio na que a classe trabalhadora comemora séculos de luita contra o Capital, é hora de que a juventude operária galega tome o caminho da sua própria emancipaçom.

Mobilizaçons da CIG
"Nom ao recorte das prestaçons socias. Galiza naçom, autodeterminaçom"
Compostela, às 12h30 na Praça Vermelha
Corunha, às 12h00 na Praça de Vigo
Ferrol, às 12h00 na Avda. de Esteiro
Ponte vedra, às 12h30na Praça de Ferreria
Vigo, às 12h00 no crece da Doblada com Urzaiz