BRIGA participará nas mobilizaçons contra a devastaçom do nosso território

Maio de 2007

Os próximos dias 5 e 6 de Maio as pessoas e organizaçons comprometidas com a defesa do meio natural tenhem duas citas ineludíveis em Ponte Vedra e em Compostela.

O Sábado 6 de Maio Ponte Vedra acolherá um ano mais umha grande mobilizaçom para esigir o encerramento inadiável da fábrica de celulose de ENCE Elnosa. Numerosas organizaçons e colectivos sociais, entre eles a esquerda independentista, participam nesta convocatória que parte às 19h00 da Alameda e marchará polas ruas da cidade para por de manifesto a aplastante maioria social que exige o desmantelamento de ENCE, principal responsável da destruiçom do ecossistema da Ria.

Galiza nom se vende. Manifestaçom nacional em Compostela

Já no Domingo dia 6 de Maio será Compostela o cenário da segunda mobilizaçom nacional em defesa do nosso património natural. Diversas organizaçons ecologista, plataforma e colectivos sociais convocam umha manifestaçom nacional, que partirá às 12h00 da Alameda, sob a legenda “Galiza nom se Vende. Terra viva e vida digna para tod@s” para esigir um definitivo ponto e final do p degradaçom do território.

As entidades convocantes denunciam a inexistência dum ordenamento territorial sustentável que à vez provoca o “urbanismo caótico, infraestruturas de transporte irracionais, campos de golfe, portos desportivos, encoros, piscifactorias, parques eólicos indiscriminados, passeios marítimos e fluviais rígidos, recheios, monocultivos de espécies exóticas e invasoras, nulo respeito polas figuras de protecçom ambiental e os espaços naturais protexidos…” que sofre Galiza.

BRIGA fai um chamamento a juventude galega a participar activamente nestas duas mobilizaçons convocadas para este fim de semana e a implicar-se na defesa efectiva do nosso património natural, garantia da nossa sobrevivência como povo.