Sucesso da mesa-redonda sobre a Revoluçom Cubana

Maio de 2007

O Grupo de Base da Corunha reuniu meio centenar de pessoas com a Associaçom de Amizade Galego Cubana Francisco Vilhamil e com o Cónsul de Cuba na Galiza para falarem e debaterem sobre a solidariedade galega com Cuba e sobre a situaçom actual da ilha durante duas horas.

Moncho Leal e Alejandro Fuentes fôrom convidados por BRIGA para falarem na Associaçom Cultural Alexandre Bóveda da Corunha sobre a Revoluçom Cubana. Moncho Leal explicou o carácter solidário da associaçom à que pertence e centrou-se em focalizar o tema na contrainformaçom, tanto desmentindo questons que os media na Galiza introduzem para destorcer a realidade sobre a ilha como para exprimir o tradicional carácter solidário que, desde o mesmo começo da revoluçom, é um sinal identitário do que se deu em chamar socialismo cubano.

Alejandro Fuentes fijo umhas maciças e esclarecedoras intervençons perante as perguntas do público assistente ao acto desmitificando tópicos que se deitam contra a revoluçom cubana como a falsa nom permissom a entrar e sair da ilha, conflitos internacionais com outros países como os USA que continuamente agridem Cuba ou modelo democrático e altamente participativo nos processos eleitorais cubanos, etc.

Igualmente se falou dos cinco heróis cubanos presos em cadeias ianques, servindo também o acto para trazer aqui a problemática destes companheiros seqüestrados polo terrorismo de Bush, exprimi-la e denunciá-la.

Notícias relacionadas,
- Um olhar à Revoluçom Cubana ..+