Queremos a nossa língua em Compostela

Maio de 2007

A próxima sexta-feira 1 de Junho, o Foro da Mocidade de Compostela programou umha jornada cheia de actividades em defesa da nossa língua, que rematarám com um concerto na Praça 8 de Março.

Esta jornada reivindicativa dará comezo às 16h00 com a organizaçom de jogos populares no Parque de Bonaval e de partidas de rol em galego na Praça do Pam. Estas actividades darám passo a um passa-ruas e cacerolada que partirá às 20h00 da Praça do Pam para percorrer as principias ruas da capital da Galiza para esigir a galeguizaçom do rueiro e a normalizaçom do uso da nossa língua. A jornada rematará às 21h00 com um concerto, na Praça 8 de Março, no que participarám Loretta Martin, Noise Project e Desequilíbrio Mental e na que haverá comida e bebida a preços populares.

O Foro da Mocidade, que agrupa a diversas organizaçons juvenís que actuam na cidade de Compostela, mantém nos últimos meses umha intensa actividade de agitaçom e mobilizaçom. Assim o passado mês de Abril organizou um roteiro que percorreu os pontos pretos da privatizaçom e a especulaçom urbanística, ao que há que somar umha intensa labor de agitaçom e denúncia constante.

Queremos a nossa língua em Compostela
16h00 Jogos populares (Parque de Bonaval) e rol em galego (Praça do Pam)
20h00 Passa-ruas e cacerolada (desde a Praça do Pam)
21h00 Concerto (Praça 8 de Março)
- Loretta Martin
- Noise Project
- Desequilíbrio Mental