Mobilizaçom popular contra Reganosa o 3 de Junho em Ferrol

Maio de 2007

Após os graves acontecimentos dos dias 29 e 30 de Maio, o Comité de Emergência, que agrupa organizaçons sociais, culturais e políticas contrárias ao emplazamento de Reganosa, vem de convocar para o próximo Domingo 3 de Junho umha mobilizaçom que partirá às 12h00 do Porto de Curujeiras em Ferrol.

Ferrol foi no dia de onte umha cidade ocupa por unidades de choque da Guardia Civil e da Polícia espanhola, que protagonizarom um ilegal encerramento da Ria impedindo sair a faenar aos mariscadores. O PSOE, o PP e o BNG demonstrarom no dia de onte o seu covarde servilismo aos intereses da burguesia e da Planta de Gas. Umha vez passadas as eleiçons municipais, as promessas eleitorais derom passo a brutalidade policial contra o movimento popular, que onte veu como a fiscalia esigia e lograva enviar a prissom a Bernardo Bastida, patrom maior da Cofradia de Mariscadores de Ferrol, numha tentativa de descabeçar os protestos.

Mas o movimento popular contra Reganosa nom se vai deixar amedrontar, e igual que respostou no centro de Ferrol à injustificada carga policial protagonizada pola Polícia espanhola e a Guardia Civil de forma contundente com pedras e barricadas, sairá a rua o próximo Domingo para manifestar, mais umha vez, a sua firme vontade de expulsar da Ria à Reganosa.

Tampouco podemos deixar de denunciar o papel de La Voz de Galicia, alinhado como poucos meios com o projecto empresarial depredador e irracional que supom Reganosa, e que mais umha vez optou pola manipulaçom e a mentira para criminalizar o movimento popular.

De BRIGA, que vimos participando activamente nas mobilizaçons, fazemos um chamamento a participar na manifestaçom do Domingo, e somamos à nossa voz à do Comité de Emergência para esigir,

Nom à entrada de buques gaseiros para Reganosa!
Planta de Gas fora da Ria!
Liberdade para Bernardo Bastida!