Jornada de formaçom adicada ao estudo do marxismo

Junho de 2007

O Domingo 17 de Junho tivo lugar no Centro Social Henriqueta Outeiro, em Compostela, o Seminário de Formaçom organizado por BRIGA sob o título “Marxismo para o Século XXI” e no que participarom os veteranos luitadores comunistas Justo de la Cueva e Francisco Martins.

O Seminário constou de duas sessons, umha de manhám e outra de tarde. A primeira parte foi adicada ao estudo dos fundamentos do marxismo e foi ministrada polo comunista basco Justo de la Cueva, que em perto de quatro horas desenvolveu alguns dos seus elementos chave assim com a sua gestaçom e ao seu núcleo.

A segunda parte do Seminário foi ministra polo comunista português Francisco Martins que percorreu as cinco grandes correntes do marxismo no Século XX, desde a social-democracia até o maoísmo, passando polo bolchevismo, o stalinismo e o revisionismo. Além, durante o debate posterior à expossiçom do Martins, ainda houvo tempo para reflexionar sobre outras experiências históricas e o que é mais importante sobre o que devem ser as bases para o marxismo e a Revoluçom deste século.

Desde a nossa constituiçom, BRIGA tem investido umha parte importante da sua energia à organizaçom de diferentes seminários e encontros, como a Escola de Formaçom, dirigidos principalmente a jovens militantes da esquerda independentista com os que a organizaçom pretende contribuir à formaçom política e ideológica da geraçom mais nova do MLNG.