Apresentaçom de BRIGA em Catoira
Junho de 2007
A passada sexta-feira dia 15 decorreu a apresentaçom de BRIGA em Catoira com umha palestra na que participarom um companheiro do recém constituido Grupo de Base, Daniel Lourenço em representaçom da Mesa Nacional de BRIGA e Senim Gonçalves, militante de AGIR, que complementou com um olhar à luita estudantil a realidade do movimento juvenil na Galiza. A constituiçom do Grupo de Base culmina meses de trabalho juvenil em Catoira e pretende servir de alavanca para próximas actividades e campanhas nesta vila da Comarca de Caldas.
Precisamente no marco desta mesa-redonda, @s companheir@s de Catoira apresentarom o primeiro número de As Torres, o vozeiro do Grupo de Base, no que já recolhem algumhas das actividades levadas a cabo durante estes meses e os primeiros encontros com a Guardia Civil espanhola, peagem obrigada para qualquer/a jovem que opte pola via da organizaçom e a luita.
Estamos trabalhando para disponibilizar na nossa página web umha secçom com as publicaçons editadas polos diferentes Grupos de Base. Será nesta secçom onde esperamos poder oferecer-vos em PDF o primeiro número de As Torres.